Dheere Dheere

Updated: Nov 4, 2021

mohabbat ka Toota Sabar dheere dheere

idhar dheere dheere udhar dheere dheere


dhali.n shaame phir se hain tanhaayo.n mein

gaye ashq raaton me thehar dheere dheere


kabhi de sakoge sila kya wafa ka

tum phere chale ho nazar dheere dheere


mere hoke bhi mujhse rahte khafa tum

kyu.n dhaya hai tumnei qahar dheere dheere


karu.n kyu.n main shikwa koi dushamano se

ye gham jaayega kuch sanvar dheere dheere


tumhei ab taras mujhpe aya to kya hai

shuru hai lehad ka safar dheere dheere


kabhi daamano.n me the khushiyon ke moti

lagi chaahto.n ko nazar dheere dheere


umar bhar nibhaane ka wada kiya tha

magar phir gaye TUM mukar dheere dheere


khatam ho chuka hai fasana e mohabbat

tumhari masrufiyat ki hui na sehar dheere dheere


Author: Mujahid Ali Khan ©

 




1 view0 comments

Recent Posts

See All