Tau Samjho Ghazal Hui

Updated: Sep 20, 2021

Teri nazar ka ho asar, tau samjho ghazal hui

Ho jaye yu.Nhi sehar, tau samjho ghazal hui


Judaiiyo.N ne mujhe, rulaaya hai jiss tarah

Bane jo ashq ke bhanwar, tau samjho ghazal hui


seham gaya hun inhi, qaddawar se saayon se

bane jo dhoop muntazar, tau samjho gazal hui


mera tumhaara ye saath, sadiyon ka saath hai

Bane jo tu humsafar, tau samjho ghazal hui


sambhala hai in hawaao.N, se jin ko ae haseen

wo shaano pe jaye bikhar, tau samjo ghazal hui


banalae deevaana, jo sabhi ko adayen hain

sikha de.N hum ko ye hunar, tau samjho ghazal hui


ho peher-e- aakhir vo shab ka, tu ho mere qareeb

aur waqt jaye thehar tau samjho ghazal hui


Author: Mujahid Ali Khan ©

 


8 views0 comments

Recent Posts

See All